Hindi

khali khali sa lag raha he

pata nahi kyu…aaj mere bheetar kuch khali khali sa lag raha he…

so raha he zamana sara…par ye mann pata nahi kiske intazar me jag raha he…

nazook sa ye dil mera aaj hazaron khayalon se lad raha he…

aisa lag raha he mano kuch mera mujse dheere dheere bichad raha he…

nam ankhe talash rahi he andhero me kisiko…hont bhi aaj muskurane se inkar kar rahe he…

saase chal rahi he dhadakano k saath…fir bhi mano hum mar rahe he…

kuch tho tha jo ab pass nahi he…ye humare khayalon se saaf jalakh raha he..

pata nahi kyu aaj mere bheetar kuch khali khali sa lag raha he…

-Kamal Singh

Sapne saare

lakshya ki aur tu jo chal pada he…

baat maan meri, rasta vho bada hai
us path me tere kathinayan anek aayegi..,

itni mushkile hogi jo zindagi bhar tuje satayegi…
nav teri kya lakshya ki aur tair payegi?

jab kaam,krodh,madh,lobh ki lehre tere path me aayegi…
moh maya ki dayan tuje rokna chahegi…

ruk gaya agar tu…,vho tuje nigal jayegi!
agar tu pana chahata hai lakshya ko apne,

jaan lagade pure karne ko apne sapne!
badta reh lakshya ki aur…bina haar mane, bina himmat haare…

din vho zaroor aayega é bande…jab poore hojayenge sapne saare.
-Kamal Singh

Tu chal ekela… 

Aankh moondh k auron se suni baato pe aitbar na karna é musafir… 

Yeh auron ne kisi aur se suni… Aur kisi aur ne kisi aur se… 

Tuje kya maloom k satiya kya he? 
Tuje apni buddhi aur apna tark aazmana he… 

Na peeche chal yun hi kisi ke… 

Yaad rakh… Ye milavati zamana he! 

Hai sab apni soch k maare…

Galat ko bhi sahi thérayenge ye sare… 

Tab apne bhitar k satya ko poochna tu é pyare… 
Harkate bhi kuch ajeeb he inki..,

Tod marod k ek vichar banayenge… 

Aur koi dharm nahi jiska us khuda ko bhi ye ek dharm se jodna chahenge..! 
Par dharm ki bédiyon me na tu majboor rehna…, 

Agar ghutan si ho bhitar tho aise dharm se tu door rehna..!

Jab vho malik sabka apni krupa barsayega… Tab khuda kya he yeh sara zamana janega..!!
Ab Chod ye joot aur pakhand ka mela…! 

Pee satya v manavta ka ghoont…, 

Tu chal ekela… Tu chal ekela… Tu chal ekela…
-Kamal Singh 

aazad parindé

é zamané sun tu ghor se…

baandh na payéga hume tu kisi bhi dor se

Hoslon ke vishal pankh leke paida hue he…

Kitne din samet payéga tu humé in chote se pinjron me?

Kuch kar guzarne ki chah he… Umeed he… aur dil he nidar…

Kaid na rakh humé… Ye dharti… Ye gagan hai mera he ghar!

Yaad rakh…

Tere banaye ye pinjre kisi din sooné pad jayenge…

Jab udne ki chah leke hum parindé saré zamané se lad jayenge…

Tuje kya lagta he… Tu Hitaishi he humara?

Agar haan… tho kar aazad humé!

Phir dekh…

Kaise hum parindé  sari nadiyan aur saare samudra paar kar jayenge…,

Vishal parvaton ke shikron ko hum choom aayenge…,

Vishwas he itna… K hum  har baadha ko laangh jayenge…

Tez hawaé aur barish barsaté baadal bhi humé na dara payengé…

Garud bankar hum un badalo pe jo mandrayénge!

Udna hai adhikar humara…

Aur is adhikar ko cheené ka na koi haq he tumara…

Ab aazad kar humé…bata tuje kaunsa dar satata he..?

In pinjro ke bahar kaise jeena he hum parindo ko bakhoobi aata he!

Tod kar bandish k pinjro ko aaj hum sara gagan naap rahe he…

Jahan na pahunch paya koi ab tak vaha pe bhi apna naam chaap rahe he…

Dekh é chakit zamané…

Jinhé samajta raha tu mamooli bande…

Khol honslo k par bané vho aazad parinde…

-Kamal Singh

Jeena seekh liya tha maine!

image

Gammo ko chupa k hasna seekh liya tha maine…
Aansuo ko samét k shoolo pe chalna seekh liya tha maine…

Dusron ko meethas chakha k kadwa goont khud pee jana seekh liya tha maine…
Unki khushiyo me khudki khushi ko talashna seekh liya tha maine…

Log kehte rahé bévkoof humé… Par un naadano ki anjaan bankar madad karna seekh liya tha maine…

Haan!  Char din ki is zindagi ko jeena seekh liya tha maine…

– Kamal singh

Haan! Sab Samajta hoon mai

image

Teri masoom si baato ko ache se samajta hoon mai…
Teri pasand,  na padand ko bhi bhakhoobi samajta hoon mai…

Teri shararato.., teri naadaniyo ko bhi samajta hoon mai…
Teré dil mé chupe mere pyar ko bhi samajta hoon mai…

Haan! Sab samajta hoon mai…

Tu bas itna samajle é humsafar mere..,
Tuje apni jaan he nahi.., apna jahan samajta hoon mai…

– Kamal singh

Aaj guzré uss gali se

image

Aaj guzré uss gali se jaha
humaré aashiq ka aashiyana tha…,
Shayad unko bhi laga k
Unka koi deewana tha…

Hum neeché unki khidki k khulné
ka intazar karte rahé…
Aur vho upar apna chand sa chéhra
dikhane se darté rahé…

Khatam hua intazar humara
aur humé unki khuli khidki dikhai di…
Unki aansoo bhari aankho ne
humaré pyar ki gawahi di…

Dekh k humari mohabbat ko,
hum bhi apne aapko roné se rok na saké…
Aaj aaya vho din
jab hum unke aansoo ponch na saké…

Humé na uss barish ki khabar thi
aur na he un thandi béhti hawao ki…

Khabar thi… Tho bas upar khadi uss pari ki,
unki lehrati zulfo ki,
unke phool se honto ki,
aur pyar mai digayi unn choton ki…

– Kamal singh